Dasanama ing Wayang Purwa

 

Dasanama ing Wayang Purwa

            Tembung dasanama ngemu teges dasa/ sepuluh (10), nama/ jeneng, jejuluk, asma. Dadi dasanama ateges jeneng kang luwih saka siji utawa malah ana sing ngluwihi cacah sepuluh maneh, nanging ngemu teges duweni jeneng akeh utawa luwih saka siji. Gatekna jeneng- jeneng paraga pewayangan wayang purwa ing ngisor iki!

No	Paraga Wayang	Dasanamane
1.	Raden Permadi	Arjuna, Janaka, Margana, Dananjaya, Mintaraga, Ciptahening, Prabu Kariti, Kendhi Tatnala, Palguna, Kombang Ali- ali, Jlamprong, Pandhu Putra, Pandhusiwi, Endra Tanaya, Wijanarka.
2.	Raden Werkudara	Bayu Suta, Bayu Putra, Arya Panenggak, Bratasena, Bima/ Bimasena, Jagal Bilawa/ Jagal Abilawa, Wijasena
3.	Puntadewa	Yudhistira, Dwijakangka, Gunatali, Aja Satru, Krama.
4.	Anoman	Anjani Putra, Kapiwara, Rewanda Pingul, Wanara Seta, Senggana, Rama Handayapati.
5.	Duryudana	Kurupati, Suyudana, Destradmaja, Gendari Suta, Jakapitana, Tri Panagsah, Pambangun Kuru, Kurendra Pati.
6.	Semar Sukma	Ismaya, Badranaya, Nayantaka, Sukma Sejati, Ekalaya.
7.	Bathara Guru	Sang Hyang Jagad, Girinata, Pukulun Pramestri, Ciwa Mah Dewa.
8.	Gathotkaca	Purbaya, Kaca Negara, Tetuka, Kerincing Wesi, Bima Suta, Harimbyat Maja.
9.	Abimanyu	Panagribawa, Bambang Pangalasan, Angka Wijaya, Parta Tanaya, Palguna Putra, Tanjung Anom.
10.	Dasamuka	Rahwana Raja, Gudho Kumara.

            Pangrembaka sabanjure, dasanama ora mung kanggo jenenge paraga wayang wae nanging ngemu teges padha karo sinonim/persamaan kata (ing basa Indonesia). Tuladha; abang, abrit, ambranang, merah, rekta, jingga.

Tembung dasanama iku akeh sing dumadi saka tembung Kawi.

Tuladha tembung Kawi sajroning ukara:

a.       Puntadewa ya sesilih Yudhistira iku pembarepe Pandhawa. (arane, jejuluk),

b.      Salah siji piyandele Dasamuka yaiku Aji- aji Pancasona. (pusakane),

c.       Raseksa Kala Marica iku namur laku dadi Kidang Kencana. (memba- memba),

d.      Ramane golek usada menyang rumah sakit Delta Surya. (jampi, obat),

e.       Pak Guru nguningani yen ana siswane kanga rep tumindak culika. (meruhi)

f.       Baru Klinting mangun samadi  ing Gunung Kidul. (meditasi, tapa)

g.      Kumbakarna kasoran ing jurit dening Prabu Ramawijaya. (kalah perang)

h.      Dewi Rara Ireng ilang tanpa lari sawise iku maujud sawijine putri. (angel golekane)

i.        Pamarentah banjur cancut taliwanda ngadhepi wabah virus corona. (samapta, siyap- siyap)

j.        Pandhawa waluya temahejati sawise perang lumawan Kurawa. (rahayu, slamet, waras).